BLACKPINK-in PSY lehpel
South Korean girl group, BLACKPINK - Jennie, Lisa, Rose leh Jisoo-te chuan an band hmingin hla 14 chauh la nei mah se internet lamah ro an rel ṭan der!
YouTube Channel-a Korean hla viewer ngah ber, PSY 'Gangnam Style' music video record siam chu BLACKPINK hian an rawn khum der tawh. PSY music video hi Korean music video zingah YouTube-a viewer tluklehdinawn nei tling hmasa ber a ni a, mahse girl band hian rawn khumin an YouTube Channel chu mi tluklehdinawn 7.213 zetin an view tawh.
BLACKPINK hla tihchhuah hnuhnung ber, 'Kill This Love' chuan kar hmasa khan million 440 viewer a nei a, hei bakah hian an hla dang, 'As If It's Your Last', 'Boombayah' leh 'DDU-DU DDU-DU' te pawhin viewer mtd 550 chuang an nei tawh bawk.
'Kill This Love' hi 2019 MTV Video Music Awards-ah Best K-pop-ah nonimate a ni a, K-pop queen-te hi BTS, The Backstreet Boys leh Jonas Brothers-te nen Best Group thlan turah an inel a ni. BLACKPINK hian kumin December thla hian Japan-ah In Your Area world tour an neih mek chu an khar dawn a ni.