Amazon ram kang tan Leonardo DiCaprio-a'n $mtd 5 a donate

American actor Leonardo DiCaprio chuan Amazon rainforest kang chhawmdawlna atan $maktaduai 5 a pe.

Leonardo hian philanthropist- Laurene Powell Jobs leh Brian Sheth-te nena an din a environmental foundation, Earth Alliance kaltlangin chhawmdawlna hi a pe a ni. Earth Alliance kaltlang hian Amazon kang ṭhelh mektu, tualchhung mite leh indigenous community-te chu pawisa pek an ni ang.

Leonardo environmental foundation hian ṭanpuina an pek tur chungchang hi an website-ah tarlangin, Amazon ramngaw kan nasat  thu leh ṭanpui an ngaih nasat zia thute pawh uar takin an tarlang a ni. Chhawmdawlna an hlan tur tualchhung mite leh indigenous community-te chu an pawisa pek chu a vaiin Amazon chhanhimna atan an pe dawn tih tiam turin an ngen nghal bawk.

Academy Award-winning actor hian tunhnaia sik leh sa inthlak danglam nasa hi a vei hle a, vawi eng emaw zat chu helam kawnga awareness neih a pawimawh thute pawh a lo auchhuahpui tawh a ni.