MTV VMA Awards Ariana Grande, Billie Eilish leh Taylor Swift an che ṭha

Music Television Video Music Awards semna chu India ram huna nimin zing dar 5:30 khan neih a ni. Pru­dential Center, New Jersey-ah award hi semin, Sebastian Maniscalco chuan a host a ni.

MTV VMA award sem tur hian boruak a neih lenna a rei tawh a, nimin pawh hian red carpet aṭangin a hit nghal hle a, red carpet-a celebrities inlante thlalak pawhin internet a luah hneh hle bawk.  

Performance a hmuhnawm hlawmin a hit hlawm hle a, Taylor Swift, Shawn Mendes, Lizzo, Jonas Brothers, Lil Nas X, Missy Elliot, Camilia Cabello, Miley Cyrus leh zaithiam lar tak tak eng emaw zat an perform. 

MTV VMA-ah hian Mi­chael Jackson Video Van­guard Award chu Missy Elliot hnenah hlan niin, MTV Fashion Trailblazer Award chu Marc Jacobs hnenah hlan a ni bawk.

Ariana Grande, Billie Eilish leh Taylor Swift-te chu award dawng hnem ber an ni.

Ariana Grande hian Artist of the Year award a la a, a music video '7 Rings' hmang­in Best Art Direction Award la bawkin, Social House nena an thawhdunna 'Boyfriend' chu Song of Summer-ah thlan a ni bawk. Billie Eilish chu Best New Artist award hlan a ni a, Push Artist of the Year award dawng bawkin a hla 'Bad guy' chu Best Editing atan an thlang bawk a ni.

A cheṭha zual zingah hian Taylor Swift a lang leh a, thil mak erawh a ni lo. Khawthlang zaithiam thawm nei lian em em reng Taylor hian a hla 'You Need to Calm Down' hmangin Video of The Year leh Video for Good award a dawng a, Panic! at the Disco member  Brendon Urie nena an thawhdunna 'Me' music video chu Best Visual Effects atan thlan a ni bawk.

Nomination hmu hnem: Ariana Grande leh Taylor Swift hi nomination hmu hnem ber an ni a, nomination 12 ve ve an hmu.

Lil Nas X leh Billy Ray Cyrus-te chuan an thawhduna 'Old Town Road (Remix)' hmangin award ngaihhlut Song of the Year leh Best Direction award an la.

KPop lam an duai lo a, BTS chuan Best Group award lain, Halsey an thawhpuina 'Boy With Luv' chu Best K-Pop atan thlan a ni bawk. Shawn Mendes leh Ca­mila Cabello-te chuan an hla 'Señorita' an hlawhtlinpui a, Best Collaboaration leh Best Cinematography an dawn phah a ni.

Shawn Mendes leh Camila Cabello chuan hnehsawh takin 'Señorita' an perform a, 'lovebirds'-te perform hi a hmunnawm a, mipui lawm hlawh pawl tak pawh an niin a lang. Han zai dun vel pawh nuam an ti tih a lang a, an inhaw lo hle tih a hriat bawk. Shawn Mendes hian 'If I Can't Have You' chu a sa bawk a ni.

Tuhnaia pasal ṭhen hlim, a chanchin sawizui hlawh em em Miley Cyrus chuan 'Slide Away' thiam takin a rawn sa bawk a, pasal ṭhen hlim a nih avang nge a 'emotional' raih raih hle.