Mizoram Synod Choir 2018-2020 Music video palina an tichhuak

Mizoram Synod Choir 2018-2020 term chuan hman ni lawka 'Zalênna' an tihchhuah hnuah nizan khan tun term-a music video an tihchhuah palina chu Pathian hnenah hlanin CKṬP YouTube channel-ah en theihin an dah chhuak leh ta.

Mizoram Synod Choir te music video tihchhuah thar hi 'Min rawn chhar ta' tih a ni a, RK Nghakliana lehlin a ni. Recording hi tunlaia Aizawl recording studio larte zinga mi Kings & Prophets-a an tih a ni a,  a record pawh belhchian a dawl leh hle ang. Video hi Sihphir lama kan hriat lar, Asanga Dosel kut chhuak a ni a, music video siam lamah chuan hriat hlawh berte zinga mi a ni a, a kut chhuak pawhin belhchian a dawl. 

'Min rawn chhar ta' music video hi nizan khan Choir Cabin, Synod Conrerence Centre-ah Pathian hnenah hlanin, hlannaa kalte hian an enho nghal. Nizan dar 8:30 aṭang khan CKṬP YouTube channel-ah thlir theiha dah chhuah nghal a ni.