Dua Lipa 'Future Nostalgia' April-ah

Thla hmasa khan Dua Lipa chuan a album thar tur hming chu 'Future Nostalgia' tih a nih dawn thu a tarlang a, tunah chuan a album tlangzarh hun tur a tichiang leh ta.

Hemi chungchangah hian tweet siamin April 3-ah 'Future Nostalgia' album hi a tlangzarh dawn tih a sawi. He album-ah hian tunhnai lawka a tlangzarh 'Don't Start Now' leh vawiina tlangzarh a tum 'Physical'-te pawh a tel dawn.

Dua Lipa hi tunlai zaithiam boruak nei lian ber zinga mi a ni a, Grammy Awards red carpet-a a bialpa Gigi leh Bella Hadid-te nuṭa Anwar Hadid nena an thlalak phei chu social media-a thlalak ngaihven hlawh ber zinga mi a ni mek.

He English singer chhe lo zet hian June 2, 2017 khan a studio album hmasa ber 'Dua Lipa' a tlangzarh a, 'Future Nostalgia' hi a studio album pahnihna tur chiah a la ni dawn a, a chanchin erawh khawvelin a ngaihven hle thung. 

Album pakhat chauh la tlangzarh mah se rimawi khawvela chawimawina ngaihhlut hrang hranga dawng nual tawh a, Grammy Awards pawh pahnih a dawng tawh a ni.