Box Office Angel Has Fallen-in ro a rel
Box Office-ah roreltu thar a awm a, chu chu film thar Angel Has Fallen a ni. Chart hmasaa sum lalut tam ber Good Boys chu pahnihna niin sum lalut tam pathumna chu Overcomer a ni a, hei pawh hi film thar tho a ni.
Angel Has Fallen chu
Angel Has Fallen hi American action thriller film a ni a, Ric Roman Waugh direct niin 2016-a tihchhuah London Has Fallen chhunzawmna a ni. Fallen film series hi a la hmuhnawm em em vek a, a hit viau zel bawk a, Angel Has Fallen a rawn hit viau pawh hi a mak lo.
2013-a tihchhuah Fallen series hmasa ber Olympus Has Fallen hmuhnawm zia sawi nawn a ngai lo a, London Has Fallen pawh chuti bawk. Angel Has Fallen pawh hi a hmunawm leh viau dawn tih hriat sa a ni. Gerard Butler a chang leh hian en a tichakawm zual.
August 23 khan US-ah tlangzarh a ni a, ni thum chhung lekin Box Office kartawp chart-ah No. 1 a hauh nghal thei a ni.
Hobbs & Shaw-ten ngam loh pathum an nei ta
Hollywood palian pahnih Dwayne Johnson leh Jason Statham-te channa chu sum lalut tam palina a ni a, ngam loh pathum a nei ta a ni.
Chart hmasaa sum lalut tam ber American Comedy film Good Boys chu pahnihna a ni a, film thar Overcomer chu pathumna a ni bawk. The Lion King (2019) chu Top 5-ah an la lang pha ve bawk.
Film ṭha Overcomer
American Christian drama film 'Overcomer' hi kumin chhunga film chhuak ṭha ber zinga mi a ni ngei ang.
Christian film ni si Box Office-a a cheṭha hian a hmuhnawm zia a tarlang a, a trailer aṭang pawhin film ṭha tak, mi hneh thei tak tur a ni tih a chiang. War Room leh Fireproof hlawhtling taka lo direct tawhtu Alex Kendrick kutchhuak tho a ni a, Christian movie ngainatu tan chuan film en hmaih loh tur a ni ang. A film soundtrack-ah pawh hian Mizo Kristiante pawhina kan hla hriat a awm nawk a ni.