Paramore tana inpeih Hayley Williams

Paramore vocalist  Hayley Williams chu hun eng emaw chen solo lama a kal hnuah Paramore-a a bandmate-te nena hun hman a inpeih leh ta.

Hayley Williams hian thla tirah khan a solo album pahnihna ‘Flowers For Vases / Descansos’ chu a tlangzarh a, solo album pahnih a tichhuak tawh bawk. Tunah chuan solo-a kal chhunzawm a tum tawh rih lo.

Twitter lama an zawhna chhangin Williams chuan solo album dang tihchhuah a tum tawh loh thu a sawi a, chu ai chuan Paramore album thar tur atana inbuatsaih tura a inpeih zawk thu a sawi.

‘Misery Business' singer hian a hmain a band Paramore chu a la bansan lo tih a lo sawi tawh a, heti chung hian kum 2018 aṭang khan band angin thawm an nei zui tawh rih lo. Tunah erawh band angin an kal leh tawh a beiseiawm thar hle.

Paramore album hnuhnung ber chu kum 2017-a an tlangzarh 'After Laughter' kha a ni.