Captain Marvel 2 Carol Danvers hmachhawn tur Zawe Ashton

Brie Larson channa Captain Marvel chhunzawmnaa misual tur chu Zawe Ashton a ni tih puan a ni a, eng lemah nge a chan dawn erawh hriat a la ni lo.

Captain Marvel 2 hi Nia DaCosta direct tur a ni a, Disney Plus series WandaVision story editor Megan McDonnell chu script ziaktu a ni. Zawe Ashton hi tu lemah nge a chan dawn la chiang chiah lo mah se Variety chuan misual ber a ni dawn tih an thudawnna in a tarlan thu an sawi. Brie Larson bakah  Iman Vellani chu Ms. Marvel lemah a chang dawn tih puanzar a lo ni tawh bawk. Captain Marvel 2 hi November 11, 2022-a tlangzarh turin ruahmanna an siam.

Hmeichhe superhero zinga lawm hlawh tak Captain Marvel hi kum 2019 khan MCU khawvelah film siamtute chuan an thlawh luhtir a, a hit hle. Box office aṭangin $tluklehdingawn 1.1 lai a lalut. Hemi a nih avang hian a chhunzawmna pawh hi an beisei sang hle ang tih an hriat. A film hmasa kha chu 90's hunlaia thil thleng anga chan a ni a, tuna an siam thar erawh hi chu tunlai khawvel huna thleng angin an siam dawn thung.