Katy Perry leh Dua Lipa Mumbai-ah zai dawn

Kumina 'OnePlus Music Festival' Mumbai-a neih turah 'I Kissed A Girl' hitmaker Katy Perry chu a zai dawn a, ani bakah hian English singer zei em em mai Dua Lipa pawh a zai dawn bawk.

Mumbai DY Patil stadium-a neih tur 'OnePlus Music Festival' hi November 16-ah neih a ni ang. Kum 2010 khan Katy Perry leh comedian-actor Russell Brand-te chu Rajasthan-ah an innei tawh a, tun ṭumah erawh Katy Perry hi zai turin a rawn kal dawn a ni. 

Katy Perry chuan, "India-a ka lo kal leh thei tur hi ka lawm em em a, Indian KatyCats-te hmaa zai chu ka chak tawh tak zet a ni," a ti. He hunah hian Dua Lipa pawh a zai dawn a, ani hian India a rawn tlawh hmasakna ber tur a ni thung.

'OnePlus Music Festival' India-a kan buatsaih thei tur hi a lawmawm hle a, kan sawmna ngaipawimawha Katy Perry a rawn zai thei tur hi India rama a fan-te nghahhlelh a nih rualin keini pawh min ti phur hle a ni, tiin OnePlus Co-founder Carl Pei chuan a sawi.