Inter College Quiz Competition 2019 Zaninah Semi Final

Mizo Students Union-in UPSC exam buatsaih, Central Civil Service-a Mizote kum eng emaw zat a kan tlin theih tak loh avanga zirlaite leh ṭhalaite chona siamna atana a buatsaih UPSC Challenge Inter College Quiz Competition 2019 chu zanin dar 8 hian semi final neih a ni dawn.

Inter College Quiz Com­petition-ah hian Thawlehni zan leh Nilaini zanah khan quarter final lut college pariat- Kolasib College, Aizawl City College, J. Than­kima College, Pachhunga Univer­sity College, Serchhip College, DIET Aizawl, Champhai College leh T. Romana College-te chuan intihsiakna an nei a, an zinga point hmusang zual palite chuan zanin hian semi final-ah inelna an nei leh ang. 

Pachhunga University College, Champhai College, DIET Aizawl leh Serchhip College-te chu semi final-ah hian an inel dawn a ni. Semi final match hi knockout hmanga neih tur a ni a, match pahnihah hian a chak lo zawk an tla nghal tawh dawn a ni. Final match hi karleh Thawhlehni zanah hian an nei ang. Inter College Quiz Competition hi Zonet leh LPS chuan live-in an pechhuak ṭhin.

1st Match    PUC Vs DIET, Aizawl

2nd Match    Serchhip College Vs Champhai College