Katharine McPhee-i'n khiang a awi ta

Kum 35 mi lai ni ve tawh American Idol star, Katharine McPhee chuan amah aia kum 34-a upa David Foster chu a nei mauh mai. McPhee leh Foster-te hi kar kalta Zirtawpni khan Church of Saint Yeghiche, London-ah an innei a ni. 

'Scorpion' actress McPhee leh American musician lar David Foster te hi American Idol aṭanga intawng an ni. Kum 2006 American Idol-ah khan McPhee hi contestant a ni a, a pasal ni ta David Foster erawh guest mentor a ni. Met Gala 2018-ah khan an inlan dun a, a hnu lawkah an inhual thu an puang zui a ni. 

An inneih ceremony-ah hian mi 150 vel an pung­khawm a, an laina hnai tak takte chauh an tel. 'Over It' singer McPhee chuan, "Kum 13 liam ta khan ka single hmasa ber 'Somewhere Over the Rainbow' ka tichhuak a, min produce saktu chu vawiin nia ka pasal ni ta hi a ni," tiin, a pasal ni ta David Foster chungchang a sawi. 

Actress ni bawk Katha­rine McPhee hi 2008 khan American actor Nick Cokas nen an innei a, 2016 khan an inṭhen a ni. Hetih lai hian David Foster pawh 'thlawi' ve tho niin, nupui pali a lo nei tawh a, McPhee hi a pangana a ni!