The Three Musketeers thar turah Eva Green

'The Three Musketeers' film thar siam turah Eva Green chu a chang dawn nia tarlan niin, Vincent Cassel leh Francois Civil-te nen an chang ho dawn a nih hmel.

French filmmaker Martin Bourboulon chu hemi atan hmalatu hi niin part hnih angin The Three Musketeers thar hi siam a tum. A part hmasa zawk chu 'The Three Musketeers – D'Artagnan' tih a ni dawn nia tarlan niin a pahnihna chu The Three Musketeers – Milady' tih a ni dawn bawk.

Matthieu Delaporte leh Alexandre de la Patelliere-te chu script ziaktu tur an ni dawn bawk a ni. Hemi chungchang tarlangtu Variety chuan kumin nipuiah hian France ramah a film pahnih hi an chang ṭan tawh dawn niin an sawi. Oliver Jackson-Cohen, Vicky Krieps leh Louis Garrel-te hming pawh a changtu turte zingah a ri ring hle.

The Three Musketeers hi a film hi eng emaw zat siam a ni tawh. Kum 1948 khan tihchhuah a lo ni tawh a, 1993 khan  Charlie Sheen, Kiefer Sutherland leh Chris O'Donnell-te channa Disney version chu tlangzarh ni leh bawkin kum 2011 khan Luke Evans, Mads Mikkelsen leh Orlando Bloom-te channa pawh tihchhuah a lo ni tawh bawk.