Luis Fonsi album thar 'Vida'

'Despacito' hmangin khawvel a lam tir a, YouTube-ah viewer tluklehdingawn ruk dawn a nei bawk. Luis Fonsi hi tunge a nih inzawh a ngai lo, a album tichhuah thu ringawt pawhin music khawvel a dengchhuak. Puerto Rican singer hian nimin khan a studio album 10-na 'Vida' chu a release a, a hit nghal rem rem hle.  

Luis Fonsi hian kum 2017 January thla khan 'Despacito' a tichhuak a, Puerto Rican singer tho Daddy Yankee nen an thawkdun. He hla hi rin phak bakin mipuiin an hlut a, tun thlengin a boruak a la dai tak tak thei lo. Hetih karah hian American singer Demi Lovato thawhpuiin 'Enchame La Culpa' an tichhuak a, hei pawh hi a lar vet vet hle. 

A album tharah pawh hian Enchame La Culpa hi a tel a, Despacito pawh a hmaih chuang lo. 'Vida' album hi nimin khan tlangzarh niin, hla 15 zet a awm a ni.