Music video thar nen Mapeka a lo kir

Hun rei tak chhung Zoram rimawi khawvelah a hmel kan hmuh tawh loh hnuin, RK Vanlalpeksanga (Mapeka) chu music video thar nen a lo kir leh ta. 

Mapeka hi 'Fakin Zai se' tih hla bakah, Bilinda nena an sak 'Chhantu an ngai' tih hla hmanga min lo awi tawhtu a ni a, tun ṭuma a hla thar pawh hi ngaithlak man hla tur tak a ni. He hla phuahtu hi F.Lalramliani (Rampuii) niin, Upate Ni a hman aṭanga a phuahchhuah a ni nghe nghe. A phuahtu hian kum lam upa zawkte hlutna leh ropuizia a hmuchaing hle tih a lang.  

Music hi PB Lianhminga kutchhuak niin, rimawi lama tawnhriat ngah tawh tak Valtea (Foster Records) chuan recording leh video a siam sak thung a ni.  

'Chhantu an ngai' music video hi MDM library-ah dahluh niin, Zonet leh MDM YouTube channel lamahte en tur a awm thuai dawn a ni. Mapeka hian hmachawp pawh a nei chho leh ṭan tawh a, project thar kalpui tumin a inbuatsaih mek a ni.