Christina Aguilera iHeartRadio Theater-ah perform

Super Bowl Halftime Show-a Maroon 5-te kianga perform tur anga an sawi, American singer Christina Aguilera chu iHeartRadio Theater-ah a inlan a, mipui lawm a hlawh hle. 

Aguilera hi Ningani zan khan Los Angeles-ah hian a inlan a, iHeartRadio Theater chhunga mipui sang tam tak hmaah a perform a ni. American pop star hi Las Vegas residency nei turin a inbuatsaih mek a, fans lam pawh an phur tawh hle. 

'Beautiful' singer Christina Aguilera hi khawvelin a nghahhlelh Super Bowl Halftime Show-ah a inlan dawn niin sawi a awm mek a, Maroon 5-te nen an perform ho dawn niin an tarlang. Super Bowl-ah hian Maroon 5-te hi an perform dawn tih a chiang tawh a, thawm nei lian ber pawh an ni mek. He show ropuiah hian Christina Aguilera hi a inlan a nih chuan show tihmuhnawm zualtu a ni ngei ang. 

Super Bowl LIII hi New England Patriots leh Los Angeles Rams-ten an khel dawn a, halftime show hmuhnawm tak en tur a awm leh dawn a ni.