Angelina Jolie leh Brad Pitt an inhaw lo
An inṭhen a, an fate enkawl chungchangah pawh court an thleng rap rap a nih kha. Mahse a tak takah chuan Angelina Jolie leh Brad Pitt-te hian inhmelmak kum hlun an tum hauh lo, tun hnaiah pawh ṭum hnih lai an inhmu!
Hollywood star Pitt leh Jolie-te hi kum hnih hnua a vawi khat nan tun hnai khan Los Angeles-ah an inhmu a, sumdawnna chungchang an sawidun. Nilaini khan Los Angeles-a an office-ah hmuhdun an ni leh bawk.
Pitt leh Jolie-te hian kum 2012 khan French vineyard an lei a, grape aṭangin Miraval Castle an siamchhuak. He an sumdawnna hi an chhunzawm leh tawh dawn a, March thla hian product thar tichhuah leh an tum a ni. An brand thar hi Miraval Studio a ni ve thung ang.
Kum 55 mi Brad Pitt leh Angelina Jolie (43)-te hi kum 2016 khan an inṭhen a, nu ber hian an fate paruk chu a enkawl a ni. An fate enkawl chungchangah hian Pitt hian tha a thawh ve vak lo a nih hmel a, court chuan an enkawlna tur senso tum ve turin a hriattir hial. Pitt hian an fate hi an inṭhen hnu ni 900 chhung vel zet chu hmu miah loin a khawsa niin an tarlang bawk.
Pitt leh Jolie ten sumdawnna an tidun leh tur hian ngaihven a hlawh hle a, innei leh mai tur anga lo sawi tawk lah an bo lo. Chutihrual chuan 'renew' lam erawh an sawi ri lo a, sumdawnna lamah an thawkdun dawn chauh a la ni.