Zara Larsson-i'n duet tum tawh lo

Swedish singer Zara Larsson chuan 'originality' a ngaihpawimawh avangin zaithiam dangte nena duet a tum tawh loh thu a sawi chhuak. 

'Ruin My Life' singer hian hian a hla hit 'Never Forget You' -ah English singer MNEK chu a lo zaipui tawh a, a zawngchhang vak lo a nih hmel hle. Zara Larsson chuan, "Tun hnaiah hla hit tak ka tichhuak thei a, ka lawm hle. Chutih rual chuan keima pual a nih loh avangin a lawmawm dan a dang a, midang an tel a ni," tiin, a hlawhtlinna chu ama pualah a ngai tawk lo. 

Swedish pop star hian ama pualin 'Ruin My Life' a tichhuak a, a hla thar chungchangah hian Billboard chuan an kawm. Zara chuan, "Keima pual liau liau a ni a, ka ngaihlu tak zet. Ka theihna leh thiamnate hi pholan zel ka tum a, mipui hian tunge ka nih hria se ka duh a ni a ni," tiin a sawi. Kum 21 mi Zara Larsson hi zaithiam ṭhangduang ber pawl niin, hriat pawh a hlawh sawt hle.