Hemsworth-a'n a hna a bansan hman ṭep

Lemchan khawvelah chuan hriat hlawh leh sum hailut hnem berte zinga mi a ni a, mahse harsatna tam tak a lo tawk ve reng mai. 

'Thor' star Chris Hemsworth chuan thawk khat lai khan a rilru a buai hle tih sawiin, Hollywood chhuahsan tura a rilru a siam hman hial thu a sawi chhuak. 

Australian actor chuan, "Ka rilru a buai hle a, in lama ka nu leh pa-te ka ngaihtuah a ni. Ka pa hnenah ka harsana ka thlen a, a ni chuan chawlhsan lo turin min ti a, ka rilru ka thlak leh ta chauh a ni," tiin, film chang tawh lo tura thutlukna siam a tum hman thu a sawi. Chris Hemsworth chuan sawi zawmin, "Sum tam tak thawh chhuaha an chenna tur in leh lo dinsak ka duh avangin ka hna ka chhunzawm leh chauh a ni," tiin a sawi a, 'Thor' chang tura sawmna a dawn hma lawka thil thleng a nih thu a sawi chhuak. 

Kum 35 mi Chris Hemsworth hi Marvel Cinematic Universe-ah zuanglutin a hlawhtling rem rem hle. Kum 2011-a tichhuah 'Thor' bakah, The Avengers (2012) leh Thor: Ragnarok (2017)-ahte a chang zui leh a, tunah chuan Hollywood superstar a ni der tawh a ni.