Gisele-i'n Tom Brady duhsakna a hlan

Brazilian supermodel Gisele Bundchen chuan Super Bowl LIII khel tur a pasal, Tom Brady chu a lawmpui thu sawiin, duh­sakna a hlan. Bundchen hian Brady nena an thlak­dun­nate chu social media lamah a tarlang nasa hle a ni. 

American football game ngaihhlut National Football League (NFL) final chu tukin khan Los Angeles Rams leh New England Patriots ten an khel a, NFL payer lar Tom Brady chu mipui mitfukna a ni. Tom Brady hian St. Louis Rams tana a khelh lai 2002 khan Super Bowl-ah hian a lo champion tawh a ni. 

Khawvela model hlawh hnem ber pawh lo ni tawh Gisele Bündchen nen hian kum 2009 khan an innei a, hemi hnu phei hi chuan hriat a hlawh leh zual a ni. Super Bowl LIII khel tura an tlin rual khan Gisele Bündchen hian duhsakna a lo hlan tawh bawk.