February 6-ah The Highland Voice A tiṭha zualte X-Factor ah inlan dawn

Mizorama a vawi­khatna turin sap hla hmanga intihsiak 'The Highland Voice' buatsaih a ni dawn a, February 6-ah audition neih a ni ang. Audition hi Heritage Loadge-ah neih tur a ni dawn a, C. Luri, Lalhunchhungi, Van­lalsailova, Jimmy L.Pa­chuau leh Lalsang­liana Ralte te chu judge an ni ang. 

The Highland Voice-ah hian kum 15 leh 30 inkar tan tel theih a ni a, sap ṭawng kawi hnih khat tal thiam a ngai thung. Audion round-ah hian hla pakhat sak tur a ni a, music tel loin changkhat leh a thunawn sak tur a ni. Music video nei tawh te chuan video link dahin auditon an pe thei dawn a ni. 

The Highland Voice-ah hian top 5 te chu UK an kalna tur buaipui sak an ni dawn a, The X Factor-ah an inlan dawn a ni. An kal man leh visa te tum sak vek an ni dawn bawk. 

Tel duh tan Reuben Col­lection-ah form lak­chhuah theih a ni a, hrechiang duh tan 7005787600-ah zawhfiah theih a ni bawk.