Bangla No. 9 Tlangzarh hun tikhawtlai

Leitlang Pictures siam mini web series Bangla No. 9 chu February 20-a tlangzarh tura ruahman ni mah se technical problem vangin tlangzarh hun an sawn a ngai a, March 2-ah an tlangzarh dawn ta zawk a ni.

Android, windows leh iOS application Lersia katlanga en theih tura ruahman niin Leitlang pictures lam chuan,"Kan kut chhuak min lo hlut saka min thlirsak ṭhintute, kan tum ang huna kan ti thei lo hi pawi kan ti hle. Kan tih theih piahlam thilte a nih avangin in hriatthiamna kan ngen a ni," tiin thuchhuah an siam.