Big Boi PETA ten a coat donate turin ngen

Super Bowl LIII Half­time Show boruak chuan daih lam a la pan theih meuh lo a, chanchin maksak tak tak hriat tur a awm nawk mai. 

Nungcha humhalh pawl People for the Ethi­cal Treatment of Animal (PETA) chuan American rapper Big Boi chu lehkha thawnin, savun aṭanga siam a coat hak chu donate turin an ngen!

PETA chuan, "Super Bowl-a i coat hak khan kan rilru a tina hle mai. PETA-ah hian nangmah leh i music ngainatu mi tam tak kan awm a, mahse kan thil hmuh khan kan rilru a hliam a ni. Khawngaihin tun kha fur coat nena i inlan tawp ber ni tawh se kan duh a ni," tiin, savun aṭanga siam thawmhnaw inbel tawh lo turin an ngen. 

American rapper hi PETA chuan an hnenah donate turin an ngen bawk a, a chhanna erawh an la hmu lo. Nungcha humhalhtu pawl hian Big Boi hi coat dang ṭha tak pek let ve an tiam bawk! Mariah Carey, Mary Tyler Moore leh Sharon Os­bourne te chuan PETA  hnenah hian an thawmhnaw an lo donate ve tawh bawk.