Grammy Award-ah BTS?

Grammy Award-ah an perform dawn tihna lam a ni lo - award hlan an ni dawn zawk. Khawthlang media-te chuan South Korean band lar BTS te chu Grammy Award chawimawina hlan an ni dawn niin an tarlang a, eng award nge an hlan dawn erawh an tarlang lo thung. 

BTS hian an vanglai an tawngchho mek zel a, music industry-ah an mikhual lo hle. Rimawi khawvela chawimawina ngaihlut ber zinga mi Grammy Award-ah pawh an hming lam rik a ni mek a, Suga, J-Hope, RM, Jin, Jimin, V leh Jungkook te kan hmu thut mai thei. 

'Fake Love' hitmaker BTS te hi Grammy Award-ah an la inlan ngai lo a, hun ṭha erawh a herchhuak dawn niin a lang. An inlan a nih ngat chuan mipui lawm an hlawh leh khawp ang le. BTS te hi an album 'Love Yourself: Tear' hmangin Best Recording category-ah award dawng thei tura chawpchhuah an ni bawk. 

Grammy Award hi February 10 hian Staples Center, Los Angeles-ah sem a ni dawn a, American singer Alicia Keys chuan a vawi khat nan a host dawn a ni.