Box office-ah Kabir Singh che ṭha zel

Shahid Kapoor leh Kiara Advani-te channa, Kabir Singh chu box office lamah a la che ṭha zui zel. 

Kabir Singh hian Inrinni khan Rs vaibel­chhe 17.10 a lalut leh a, ni kua chhungin a sum lakluh tawh hi Rs vaibelchhe 163.73 a tling tawh. Hetianga a che ṭha zui zel a nih chuan kar hnih chhungin awlsam takin Rs vbch 200 a lakluh theih rin a ni. He film hi India ram chhunga hmun 3,123-ah tihchhuah a ni.

He film hi surgeon pakhat, a bialnuin a kal­san avanga zu leh ruihhlo lama talbuai ta chungchang a ni. Box office lamah che ṭha hle mah se, critics te chuan he film-a hmeichhiate kutthlak an ni leh, an remtihna tel loa khawih an nih dante chu sawiselin, hmeichhiate chu khawlai uicho ang maia en an ni, an ti. 

Kabir Singh-ah hian Soham Majumdar, Arjan Bajwa, Suresh Oberoi, Kamini Kaushal leh Nikita Dutta-te an inlan bawk.