Ramri-a tang naupang enkawl danah Selena Gomez a lungawi lo

Selena Gomez chuan ramri-a tangkhang, U.S. Border Patrol facility-a tang naupangte enkawl danah a lawm loh thu a sawi chhuak.

Texas khawchhuak, Selena chuan Instagram-ah hemi chungchang hi sawichhuakin, ramri dan avanga an nu leh pate lak aṭanga lakhran, thir bawm ang maia siam metal fencing-a dah khawm naupangte enkawl an nih dan chu a dem thu a sawi.

Selena chuan, "Thir bawm­a dah! concrete chhuat­a mut tira alumi­nium blanket sintir! zahna hote pawh lantir an ni lo! Engtin nge a thlen theih?", tia ziakin a IG-ah a post a ni. Naupangte enkawl an nih dan chu tihtawp a ṭul takzet tih sawi bawkin, a fans-te chu ngawi reng loa auchhuak turin a ngen. Selena hian IG-ah follower maktaduai 152 vel a nei mek a ni.