Music Domain Mizoram: Royalty nuai 27 sem chhuak tawh Nikum chhungin Rs.130,500 sem

Kum 2011 khan zaimite ham ṭhatna tur a nih beiseia din niin, 2018 a ral meuh chuan artist tam tak sum hmuhna hnar pawimawh tak a ni der tawh. Music Domain Mizoram (MDM) hian 2013 aṭang khan music video hmangtute aṭanga an sum hmuh tlingkhawm aṭangin royalty thla tin an semchhuak ṭhin a, tun thlenga an semchuah tawh zawng zawng chu Rs. 27,39,024 zet a ni. 

MDM hian tun hnai khan nikum December royalty an semchhuak leh bawk a, mimal leh group 18 zetin an dawng a ni. Tihian kum 2018 chhunga royalty an semchhuah zawng zawng chu Rs.130,500 a ni. 

Mizote hi zai lama tui tak kan ni a, hma pawh kan sawn mek zel. Zai mite hamṭhatna tur hian mi tam takin ngaituahna an seng a, chu chuan rah ṭha chhuahin MDM pawh hi din a lo ni ta a ni.

MDM hnuaiah hian artist 400 vel zet an awm mek a, heng mite hian an music video-te chu MDM library-ah dahlutin sum hmuh nan an lo hmang ta ṭhin a ni. Music video hmangtute hnen aṭanga sum lutte chu zaithiamte hnenah a boa bang awm loin thla tin sem chhuah ṭhin a ni a, chu chuan zaimite ah pawh phurna nasa tak a siam sak a ni.

 

MDM hian man chawia music video hmangtute hnena aṭanga an sum hmuhte hi khawlin - zaithiamte hnenah an sem chhuak leh ṭhin. Hei hi artist-te tan a hlu em em a, sum tam tak senga music video an siamte chu a thlawnin a luangral ngai lo. Sum an thawhchhuah ang zel an dawnglet ṭhin. Royalty hi mumal taka kalpui niin, 2013 aṭanga tun thlengin nuai 27 chuang zet an semchhuak tawh a ni. 

Music Domain Mizoram hian ṭum danga an lo kalpui ṭhin tawh angin royalty an sem chhuak leh ta a, mimal leh pawl 18 hnenah an hlan. December royalty dawngtute hi mimal 14 an ni a, an ni bakah hian Jha, Bka & Mapeka, Darzo KNP leh Rpa ft Gnie ten an dawng bawk. MDM hian nikum chhung khan royalty aṭangin Rs.130,500 an hmu a, hengte hi MDM artist-te hnenah an hlan a ni. YouTube aṭangin MDM artist te sum hmuhna har pawimawh tak pakhat chu YouTube a ni. MDM hian You­Tube channel an nei a, chutah chuan music video hrang hrang upload niin, heta ṭanga pawisa tling­khawmte hi zaithiamte hnenah an sem chhuak leh ṭhin a ni. 

Arema Ralte

Rualthansanga

Lawmkima Colney

Cindy Lalthanpuii

B. Lalthazuali

Machhani

R. Lalrinmawii

Awmtea Polymer

H. Vanlalhlana

Mathlenga

Manuna 

Zauvi

Josephine Jongte

Josephine Lalramengi

Pc Vanlalhriati

Jha, Bka & Mapeka

Darzo KNP

Rpa ft Gnie