Spotify an lian tual tual

Music streaming plat­form lar Spotify chuan hman an sawn zel a, sub­scri­ber maktaduai 96 an nei tling der tawh. Kum 2008-a indin chauh Spotify hian active user phei chu maktaduai 200 chuang zet an nei tawh a ni. 

Swedish company lar hian tun hnai khan quarterly report an ti­chhuak a, an revenue pawh nasa takin a pung. Company revenue hi $tld 1.7 zet a ni a, kum hmasa aia a punna chu 30% zet a ni. Tun quarter bika a punna pawh 11% zet a tling a, subscriber pawh 11% in an pung bawk a ni. 

Spotify hi khawvela music streaming platform lar leh ṭhangduang ber a ni mek a, subscriber pawh an ngah fal hle. Subscriber hi mtd 100 an nei tling thuak tawh a, anmahni hnaih bertu Apple Music chuan maktaduai 65 an nei thung.