Online troll vanga ṭap Kendall Jenner

American model lar Kendall Jenner chuan thawk khat lai khan online troll avangin a mit tui a tla tih sawiin, "Ka ṭap nileng ṭhak a ni," a ti. 

Hemi chungchang hi Allure Magazine-in an kawm ṭumin a sawi chhuak a, social media avanga harsatna a tawh a sawi chhuak. Kum 23 mi Kendall Jenner chuan, "Ka chungchanga an sawi dan avangin ka rilru a na em em a, ka insum zo ngang lo a ni. Ni khat tawp ka ṭap a, a hnuah erawh chakna thar ka neih phah a ni," tiin, a hun tawn khirh tak a paltlang dan a sawi. 

'Keeping Up With the Kar­da­shians' star hi tunlai model zingah chuan boruak nei lian ber a ni a, social media lamah pawh beih a tawk nasa ṭhin hle. Hei hi amah pawhin a lo indawmkun pui tawh a, tluk hlen nan erawh a hmang lo a ni.