Host awm loin Oscar sem dawn

Film khawvela chawimawina ngaihhlut ber, Oscar Award chu kum 30 hnuah a vawi khat nan host tel loin sem a ni dawn. 

Oscar Award hi American comedian Kevin Hart chuan a host ṭhin a, mahse a inhnuhdawh tak avangin host awm loin sem a ni dawn ta a ni. ABC Entertainment chuan hemi chungchang hi tar­langin, host awm loa kaltlangpui chu ṭha an tih thu an sawi. Hei hi Kevin Hart-a'n Oscar ceremony host a tum tawh loh thu a sawi avanga an thutlukna a ni a, mipui a barakhaih hle a ni. 

Oscar Award vawi eng emaw zat lo host tawh Kevin Hart hian mahni anpui kawpte chungchang a sawichhuah bakah, a duh loh thu a sawi avangin dodalna nasa tak a tawk. Kevin Hart chuan mipui rilru tihnat chu a tum a nih lo thu sawiin, ngaihdam a dil a, nikum December thla khan Oscar aṭanga a inhnuhdawh thu hi a puang bawk. Hei hi ABC Entertainment president Karey Burke chuan a rawn nemnghet ta a ni. 

Film lama chawimawina ngaihlut ber Oscar Award hi February 24 khian Dolby Theatre, Los Angeles-ah sem a ni ang.