BTS label Big Hit and UMG-in boy band thar an din dawn?

BTS label Big Hit Entertainment leh US giant Universal Music Group (UMG) chuan K-pop boy band thar an din dawn tih Nilaini khan an puang.

Company lian pahnih ṭangkawp hian band thara mi tur member hi US-ah audition neih an tum a, an inremnaah chuan Big Hit hian American record label, Geffen Records an thawhpui dawn a ni. Geffen Records hian Nirvana, Guns N' Roses, Elton John leh tun hnaia hmeichhe tleirawl zaithiam lar tak Olivia Rodrigo pawh an lo thawhpui tawh bawk.

Tun hnaiah K-pop music rimawiin khawvel a deng chhuak a, hei vang hian UMG hian K-pop lam hi a awn chho mek a nih hmel. Band thar chungchangah hian Big Hit chief executive Bang Si-Hyuk chuan rimawi khawvel chhungah, an company leh UMG ṭangkawpin band thar din an tum hi thil chhinchhiah tlak tak a nih thu sawiin, music industry hmasawnna tur a nih ngei a beisei thu a sawi a ni.