Cruella Trailer a chhuak Emma Stone chevel a hmuhnawm dawn

Emma Stone channa Disney film Cruella trailer chu Nilaini zanah khan tlangzarh a ni ta a, a hmuhnawm dawn tih a hriat theih nghal.

Lemchan lama sulhnu nei ṭha Emma Stone channa Cruella hi May 28-a tlangzarh turin ruahmanna an siam a, film lian tak tak tlangzarh hun an sawn nual avangin hemi hunah hian an tlangzarh ngam ang em tih erawh hriatthiam a har hle. Tlangzarh hun hi an sawn leh loh beisei phawt ang.

Disney villain lar tak Cruella trailer-ah hian Dalmatian ui hmuh turte pawh an awm a, minute khat leh a chanve leka rei trailer-ah hian thil phurawm tak tak hmuh tur a awm nual. He film-ah hain Emma Stone bakah hian Emma Thompson, Joel Fry, Paul Walter Hauser, Emily Beecham, leh Mark Strong-te pawh an chang dawn a, kum 1996-a Cruella lema lo chang tawh Glenn Close pawh  executive producer a ni ve nghe nghe. The Hundred and One Dalmatians-a misualnu Cruella bik thlurbingna film hi kum 1970 chhoa thil thleng ang chan a ni.

Kum 1970 vela London-a fashion designer naupang tak Estella de Vil, ui vun, a bik takin Dalmatian lawm tak chu eng tiang takin nge Cruella a lo nih chhoh dan he film aṭang hian a hriat theih ang. Cruella hi ruahmanna hmasaah chuan nikum December 23-a tlangzarh tur kha a ni a, mahse hrileng vangin May 28-a tlangzarh an tum leh ta zawk a ni.