Mortal Kombat 2021, en a chakawm

Mortal Kombat trailer chu Ningani zanah khan tihchhuah a ni ta a, a hmuhnawm ang tih a rin thiam theih nghal.

Mizo ṭhalai tam ber zinga mikhual lo tak, character lar tak tak awmna Mortal Kombat film an siam tharah hian Sonya Blade chu a changtunu ber a nih hmel a, kum sarih liam taa Brazil-a superhuman a tawn chungchang aṭanga inṭanin khawvel ram hrang hrang history-ah tournament ropui tak buatsaih a nih thu a sawite pawh hriat tur a awm.

Sonya bakah hian Kano, Liu Kang, Jax, Kung Lao leh Lord Raiden-te an lang a, Scorpion leh Sub-Zero insual scene tawite lang ringawt pawh khan naupan lai aṭanga Mortal Kombat tuipui tawhte chu a chawk phur hle ang tih a rinawm.

Cole Young lemah Lewis Tan a chang a, Kano lemah Josh Lawsan, Jessica McNamee chu Sonya Blade lemah a chang bawk a, Ludi Lin chu Liu Kang lemah a chang bawk. Action film hmuhnawm tak a ni dawn tih chiang takin a sawi ngam a, April 16 hian US-ah an tlangzarh dawn a ni.

R-rated film a ni dawn a, thisen chhuak hmuh tur a tam deuh dawn vang a nih a rinawm.