MDM artist thar Rk-a'n hla thar a tichhuak dawn

20th February, 2021

Serchhip distirct Solo competition Vantawng Icon 2010-a 2nd runner up lo ni tawh R. Lalruatkima (Rk-a) chuan hla thar 'Min tuah rem thuai se' a tichhuak dawn.

Rka hi Facebook-a Hriattea inleng aṭangin ṭhenkhat chuan kan hriat tawh a rinawm. Lallianmawia Memorial Society programme-a Pc-a nena 'Hmangaih LM' an sak phei chuan YouTube-ah thlirtu maktaduai 1.5 chuang an nei hial.

A hla tihchhuah tur 'Min tuah rem thuai se' hi Lalṭanpuia Tochhawng phuah a ni a, Vintage recoding studio-ah recording tiin music chu Johnny Pachuau kut chhuak a ni dawn thung. Video chu Elisian Photography kut chhuak a ni ang.