Hontrade International Ṭhazual Fakna A chung berah Rualthansanga Khiangte

Praise On aṭanga mipuiten kan hmelhriat Rualthansanga Khiangte chuan Hontrade Inter­national Ṭhazual Fakna chart-ah dinhmun sang ber a luah. Mizo Idol star Peter Lalnunpuia leh Malsawmdawngkimi te chu top 3-ah an inhlangkai ve bawk. 

Rualthansanga Khiangte hian nikum kumtawp lam khan 'Hal loin' music video a tichhuak a, Hontrade International Ṭhazual Fakna chart-ah pawh a hmel kan hmu nghal. Kum tir lam khan top 5-ah inhlangkaiin, chart hmasa lamah khan pali-na a hauh leh bawk. Tun ṭumah erawh tuma tluk rual lohin dinhmun sang ber a rawn luah ta a ni.  

A hla hi a thu a ṭhain - a satu pawh hian a sa mawi hle. He hla-ah hian zaithiam eng emaw zatin an pui bawk a ni. Video hi Hmingtea kutchhuak niin, recording hi Kings & Prophets kutchhuak a ni thung. 

Tun ṭum chart-ah hian Peter Lalnunpuia chuan 'Tlang lamah khian' tih hla hmangin pahnihna a luah a, Kolasib nula Dawngkimi chu 'A hnen pan la' tih hla hmangin top 3-ah a inhamṭang bawk. Dawngkimi hian chart hmasa lamah khan No.1 a hauh a, tun ṭumah erawh ngam loh a tawng ve ta a ni. 

Ṭhazual Award 'Best Female Artist' Stacy V.L. Muanpuii chu palina-ah awmin, Lalremruata Fanai chu panga-na a ni. Sangtei Renza leh Sawmtea te chu parukna leh pasarihna-ah awmin, Henry Varte, Grace Lalchhanhimi leh Lalchhuansanga te chu top 10-ah an inhlangkai ve bawk. 

1. Rualthansanga Khiangte  - Hal loin

2. Peter Lalnunpuia - Tlang lamah khian

3. Malsawmdawngkimi - A hnen pan la

4. Stacy V.L. Muanpuii - Thlen ka nghakhlel

5. Lalremruata Fanai - Krista Thisen 

6. Sangtei Renza - Malsawmna 

7. Sawmtea - Ka awin Pathian chu ka auva

8. Henry Varte - A sawm che 

9. Grace Lalchhanhimi - Rinna mitin ka thlir thin

10. Lalchhuansanga - Ka kiangah awm reng rawh