BAFTA-ah Swift leh Joe Alwyn inlan

Grammy Award-ah a hmel hmuh tur a awm lo a, British Academy Film Award lamah erawh mipui mitfukna ber a ni lawi si. American singer Taylor Swift chuan a bialpa Joe Alwyn chu London BAFTA-ah a ṭawiawm a - mipuiin an bawr nasa hle. 

British Academy Film Award-ah hian British actor Joe Alwyn channa 'The Favourite' chu a che ṭha hle a, award pasarih zet a la. Joe Alwyn hian mimalin chawimawina dawng lo mah se a langsar a, Taylor Swift-i'n a ṭawi­awm bawk avangin entu mipui mitfukna an ni. Swift hian 'The Favou­rite' in award pasarih zet a la thei chu ropui a tih thu leh, Joe Alwyn a lawmpui thu social media lamah a tarlang.

BAFTA-ah hian The Favourite chu award la hnem ber niin, Roma (4) leh Bohemian Rhap­sody (2) te chuan an dawt. Black Panther, BlacKk­Klansman, Green Book, Vice leh A Star is Born te chuan award pakhat ṭheuh an la ve bawk.