Avril Lavigne leh Nicki Minaj thawk dun

Canadian singer Avril Lavigne chuan album a buaipui mek aṭangin single a tichhuak leh dawn a, hemi atan hian American rapper Nicki Minaj nen an thawkdun. 

Avril Lavigne hian a studio album parukna tur 'Head Above Water' chu February 15 hian tichhuah a tum a, hemi hma hian single pakhat a tichhuak leh phawt dawn. A hla thar tur hi 'Dumb Blonde' niin, Nicki Minaj nen hian engtiang takin nge an sak dun hriat a chakawm tawh hle. 

'Complicated' singer Avril hian Nicki nena an thawhdun chungchang hi social media lamah tarlangin, fan-te pawh an phur hle. Kum 34 mi lai ni ve tawh Avril chuan 'Dumb Blonde' an tichhuah hnu lawkah, album title 'Head Above Water' pawh a tichhuak zui dawn tih a tarlang bawk.