Christina Aguilera-i'n Mulan film thar tura theme song a sa dawn

'Genie in a Bottle' hitmaker Christina Aguilera chuan Las Vegas-a Xperience residency show a neihnaah 'Mulan' film theme song 'Reflection' a sak dawn thu a sawi.

Reflection hla tur atan hian a inbuatsaih mek tih a fan-te hmaah Christina chuan sawiin, he film hi tihchhuah vat a ni dawn a, in lo en ve ṭeuh dawn nia, tiin a sawm bawk. Disney Live Action Feature Film thar tur Mulan hi March 27-ah tlangzarh a ni ang. Kum 1998-a Mulan film tihchhuah hmasak ber ṭum khan theme song 'Reflec­tion' hi Filipina singer leh actress Lea Salonga chuan a lo sa tawh a, Christina hian a sa ṭha leh dawn a ni.