Deep Purple album thar tur 'Whoosh!'

Rock legend Deep Purple chuan kumin June 12 hian earMUSIC kaltlangin an studio album 21-na tur 'Whoosh!' an tlangzarh.

Deep Purple hian kar hmasa khan album thar an tlangzarh tur chungchang hi an sawi a, track list-te pawh an tichhuak tawh a ni. Hla 13 a awm dawn a, a duh tan chuan order lawk theihna tur link-te pawh an dah chhuak pawh.

A zawna a ṭum thumna turin Deep Puple hian an al­bum thar turah hian producer Bob Ezrin (KISS, Pink Floyd, Alice Cooper) an thawhpui leh a, ani hian 'Whoosh!' album buaipui tur hian Nashville-ah a bik takin a sawm a ni.

earMUSIC chuan 'Whoosh!' hi Deep Purple-in Bob Ezrin an thawhpui hnua an album 'versatile' ber a nih thu an tarlang a, Deep Purple dik takah an kir leh niin a tarlang. Guitarist Steve Morse chuan an album thar turah chuan band member zawng zawng hlimna an dah tel vek tih a sawi a, music siam chu nuam an tih reng thu a sawi bawk.