Kim Kardashian-in inṭhen dilna a thehlut

Kim Kardashian West chuan a pasal Kenye West nena inṭhen dilna lehkha a thehlut. Kim leh Kenye-te hi kum ruk leh a chanve an innei tawh a ni.

Anni nupa hi an inkar boruak a ṭha vak lo niin khawthlang media-te chuan an tarlang zeuh zeuh tawh. Kim Kardashian-in inṭhen dilna a thehlut tih chungchang tarlang hmasatu TMZ chuan an fate pali enkawl dun dilna a thehlut tel niin an tarlang tel bawk.

Kim Kardashian leh Kenye West-te hian fa pali North (7), Saint (5), Chicago (3) leh Psalm (thla 21)-te an nei tawh. Nikum July 21 khan West chuan Keeping Up With the Kardashians star hi ṭhen a duh tih a tweet-ah a lo sawi thawi tawh a, mahse hei hi a hnuah a paih leh vat a, hmutu an awm nual hman avangin hemi hnu hian media hrang hrang ngaihven a hlawh zui hle a ni. Hemi hnu hian an inkar boruak a ṭha lo anga lang thei post social media-ah hmuh tur a awm zui zeuh zeuh a, a chang leh ngaihdamte an indil thul! Tunah erawh an inṭhen tak tak dawn ta niin a lang.