Black hole hmuh chhuah hmasa ber

Black home hmuh chhuah hmasa ber Cygnus X-1 kha scientist-te chuan an beisei ai daihin a rit tih an report tihchhhuahah an tarlang.

Kar hmasa Ningania Science report an tihchhuahah chuan Cygnus X-1 hi ni (sun) aiin a let 21-in a rit tih an tarlang a, hei hi an chhut dan hmasa aiin a let 1.5-in a rit zawk. Black hole chungchang hi mithiamte pawhin tam tak an la hre thei lo a, tuna a rih zawng an chhut chhuah thar leh hian astronomer-te ngaihdan tlemin a tidanglam hret niin Sciencenews chuan an tarlang bawk. 

Arsi zirchiang ṭhin mithiamte chuan Cygnus X-1 hi Very Long Baseline Array, or VLBA hmangin an en a, an chhut chhuah thar aṭanga a lan dan chuan khawvel aṭanga light year 7,200 vela hlaah a awm a ni. An chhut dan hmasaah kha chuan light year 6,000 vela hlaah a awm niin an ngai thung.

Cygnus X-1 hi kum 1964-a hmuh chhuah daih tawh kha a ni a, a tirah chuan black hole a nih leh nih loh chungchangah inhnialna a awm ṭhin. Stephen Hawking meuh pawhin black hole a ni lo tiin sawi mah se kum 1990 khan scientist-te chuan Cygnus X-1-ah chuan black hole a awm ngei tih an pawm tlang ta a ni.