ICU ṭangin Ozzy a chhuak

English singer lar Ozzy Osbourne chu hun eng emaw chen Intensive Care Unit (ICU)-ah a awm hnuin, ṭhat lam a pan tak avangin lakchhuah a ni. 

Black Sabbath rocker hi February 6 khan a hriselna dinhmun ṭhat loh vangin Hospital-ah dahluh a ni a, tun kar tir lam khan ICU-ah sawn luh a ni. A dinhmun a ṭha vak lo nia tarlan ni mah se tunah chuan ṭhat lam panin a chhuak leh tawh a, fans lam pawh lawm avangin a zuang ngei ang. 

Kum 70 mi lai ni ve tawh Ozzy Osbourne hi a tirah chuan tlang hrilengin a man a niin an sawi a, a hnuah pneumonia tih hriatchhuah a ni. A hriselna dinhmun a ṭhat loh avang hian UK leh Europe ram hrang hranga 'No More Tours 2' a neih tur pawh sawnhlat a ni a, tour hi anei zui thei ang em tih chu zawhna awm mek a ni.