Talent Club leh Heritage ṭangkawpin award hlan

Talent Club leh Heritage ṭangkawp chuan nizan khan Mizo zinga kawng hrang hranga mi hlawhtlingte hnenah chawimawina an hlan. 

Award dawngte hi infiamna lamah chuan - Jeremy Lalrinnunga, Lalremsiami, NT Lalbiakkima, S. Malsawmtluanga, Malsawma leh Samuel Lalrozama Hmar te an ni. Zaithiam Zoramchhani leh fiamthu thiam H. Rotluanga te hnenah chawimawina hi hlan niin, thu leh hla lama thawhhlawk tak H. Lalrinfela (Mafaa) chawimawina hun hman a ni bawk. 

Mizo film industry-a thawh hlawk tak Mapuia Chawngthu (Leitlang Pictures), Miss Mizoram (2017) Rody H Vanlalhriatpuii  leh entrepreneur Joseph Vanlaluapa te hnenah award hlan a ni bawk.

Grace Lalrindiki Pachuau, Jimmy L Pachuau, Zonunsang Handloom, Mizo Cul­ture Organisation, Hnam Chhantu leh Mizo hmeichhe IFS awm chhun Muanpuii Saiawi te hnenah award hlan a ni bawk a, midang eng emaw zatin chawimawina hi an dawng bawk.