Cardi B leh Bruno Mars kan hmu leh dawn

Nikum lam khan 'Finesse' an lo tichhuak dun tawh a, kuminah pawh an hmel kan hmu leh tuai dawn. American rapper Cardi B chuan a hnampui Bruno Mars nen hla thar an tichhuak dawn tih social media kaltlangin a tarlang a, fans lam pawh an phur leh tawh hle. 

Cardi B hian Grammy Award sem zawh takah khan sawiselna a tawk nasa hle a, a hmachhawp tih loh phah nan erawh hman a tum lo. Bruno Mars nena an hla thar tur hi zanin zanlai vel hian tihchhuah an tum a, a title erawh an tarlang lo thung. 

Cardi B hian tun hnaiah sawiselna a dawn nasat avangin a Instagram account pawh a deactivate hial a, mahse tunah chuan a pangngai leh tawh. IG-a activate leh rual hian Bruno Mars nena an thawhdun thu leh hla thar an tihchhuah tur thu hi a tarlang nghal zat a ni.