Diktawn-in Miss Chapchar Kut Thlang leh dawn

Chapchar Kut a thlen tawh chuan rilruah Miss thlan a lang a, kuminah pawh Miss kan nei leh nual dawn a nih hmel hle! Diktawn monthly magazine chuan a ṭum 10 nan Miss Chapchar Kut an thlang leh dawn a, kum dang aiin lawmman pawh an pe ṭha dawn. 

Diktawn hian Miss Chapchar Kut bakah, Best Costume leh Best Costume Designer an thlang dawn bawk a, naupang aṭanga puitling thlengin a huam dawn a ni. 

Diktawn hian kum 2009 aṭang khan Miss Chapchar Kut hi an thlang ṭan a, tun thlengin mumal takin kalpui a la ni. Kumin hi kum 10 an thlanna tur a nih tawh avangin kum dang zawng aiin lawmman pawh a ṭha dawn. Miss Chapchar Kut atana thlan hian Rs. 50,000/- a dawng dawn a - citation leh photo frame bakah thil dang ṭha tak tak a kengtel dawn bawk. A thlanna hi March 1-ah Lal Thanhawla Auditorium-ah neih tur a ni dawn a, chawhmna dar 10:00 aṭangin ṭan tur a ni. 

*    Mizo nula, kum 17-35 inkar an ni tur a ni. 

*    Kut ni-ah Mizo thuam a inbel tur a ni a, design dang deuh pawh nise Mizo tradition pholang thei a ni tur a ni. 

*    Hmelṭha leh pian nalh, nungchang mawi tak pu mi, khawtlanga hming chhiatna nei lo a ni tur a ni.

*    Ruihtheihthil, zuk leh hmuamah a fihlim tur a ni.

*    Scout ten an thlan chhuahte chu dar 10:00 am - 3:00 pm chhungin Lal Thanhawla Auditorium-ah judge-ten an endik leh ang a, top 10/5 thlan chhuah an ni ang. An thlalak leh profile-te chu Instagram leh Diktawn YouYube channel lamah mipui vote theih turin chhawpchhuah a ni ang a, March 2 - 5 chhungin a vote theih dawn a ni. 

Chapchar Kut denchhen hian Best Costume leh Best Costume Designer thlan a ni dawn bawk a, hei hian Mizo ziarang phochhuak thuam inbelte a huam ang. Hei hian modern fashion lam a kawk a, tuna kan fashion neih sa ang ni lo - Mizo puan leh thawmhnaw hrang hrang hmanga design rawn ha chhuakte aṭangin thlan chhuah an ni ang.

Category pathum - kids (3-12 yrs), teenage (13-19 yrs) leh mature (20-35 yrs) te a awm dawn a, lawmman ṭha tak a awm vek dawn a ni.