Avril album kan nghakchhuak ta

Album a tichhuah hnuhnun ber chu 2013 daih tawh kha a ni a, music khawvelah pawh a thawm a reh hle. Avril hian reh hlen erawh a tum hauh lo - nimin khan a studio album parukna 'Head Above Water' chu a tichhuak leh ta a ni. 

Canadian pop star album-ah hian hla 15 awmin, chhung zinga ṭhenkhat chu a hmain a lo tichhuak lawk tawh. Tun hnai lawk khan Nicki Minaj nena an sak 'Dumb Blonde' chu a tichhak a, hemi hma hian 'Tell Me It’s Over' a lo tichhuak tawh bawk. 

'Complicated' singer hian 2013 khan ama hmingchawiin 'Avril Lavigne' album a tichhuak a, hemi hnu hi chuan hmuh tur a awm meuh tawh lo. Lyme disease avangin hun rei tak chhung a talbuai a, tunah erawh muisc khawvelah a rawn kir leh ta a ni. 

Avril hi record label, BMG Rights Management nena inremna an siam a, hemi hnua a album hmasa ber a ni. Album a tichhuah tur thu hi nikum September thla khan a lo puang tawh a, thla tam pawh a vei hmain a rawn chhawpchhuak ta rup a ni.