Oscars Academy-ah Holland, Wright leh Adele

Oscars dawngtu tur thlangtu, Oscars Acade­my member thar 842 zingah- Tom Holland, Letitia Wright, Adele, Lady Gaga leh Winston Duke-te an tel. 

Member ruat thar­te nen hian Oscars Academy-ah hian voting member 10,000 an awm tling tawh. Oscars Academy member hian a huam zau tawk lo nia sawiselna a awm fo hnuah, member thar 842 zet hi belh an ni. Member thar zinga 50% hi hmeichhia an ni. Heng mite nen hian Academy member zingah hmeichhia awm hi kum 2015-a 25% aṭangin 32%-ah an pungchho ta a ni. Hei bakah hian member thar zinga 29% chu mihang an ni. 

Kum 2016 khan Jada Pinket Smith leh director Spike Lee chuan award lian dawng tur hian mingo chauh nominate an ni ṭhin nia sawiin; Oscars boycott an tum thu an lo sawi tawh bawk.