Hillsong UNITED-in 'People (Deluxe)' tlangzarh

Hillsong UNITED chuan June thla tawpah khan 'People (Deluxe)' album an tlangzarh a, he album hi 'People' album extension a nih thu an sawi.

An album tharah hian fans lamin an hla duh zual paruk- Good Grace, Whole Heart (Hold Me Now), Another In The Fire, Highlands, Holy Ground leh Here’s To The One-te chu a version dang an dah tel a ni.

Taya Smith chuan an album hming ang ngei hian an album-a an hlate hi style hrang hrangin an sak theih a duh thu a sawi. Biak-In inkhawmah a ni emaw, inkawm khawmnaah a ni emaw, an hlate chuan an nunah hlimna thlen ngei se tih chu an ṭawngṭaina a nih thu a sawi bawk.

Hillsong hian April thla aṭang khan US hmun hrang hrangah tour an nei mek a ni.