Blink 182 bassist Hoppus-a'n Charity atan a guitar a lilam

American Punk Rock band 'Blink 182' bassist leh co-lead vocalist ni bawk Mark Hoppus chuan a guitar roh tak chu charity atan a lilam.

Mark Hoppus hian a  Fender Custom Pink Plaid "Ground­skeeper Willie" Precision Bass, an band chanchina hmun pawi­mawh tak luahtu chu Trevor Project tan a lilam a ni. Hoppus chuan Trevor Project chu charity thawk ṭha tak organization an nih thu sawiin; an sum peipunna atan a guitar chu a lilam ta tih a sawi.

Trevor Project hi harsatna hmuna ṭanpui hna thawk ṭhin pawl an ni a, LGBTQ-te mahni an inthah lohna tura thawktu an ni bawk. Hoppus hian Trevor tan hian USD 5,000 a pe bawk a, a guitar bakah hian a gear dang, amps leh mics-te pawh lilam a la tum thu a sawi.