Elizabeth Taylor Oscar dress lilam dawn

Julien's Auctions chuan December thlaah kum 1974 Academy Awards-a Elizabeth Taylor kawrfual hak bakah a thil neih dang 1,200 chu lilam a ni dawn tih a sawi. 

Auction house chuan Oscar a Taylor kawr hak, Edith Head design hi dollar 4,000 - 6,000 a hralh theih an inbeisei thu a sawi. Lilam tur zingah hian Taylor silver Cartier belt pawh a tel a, hei hi dollar 40,000 chuangin an hralh beisei a nih thu Julien's Auction president leh chief executive Daren Julien chuan a sawi. 

Taylor thawmhnaw hlui lilamna hi December 6-8 hian Beverly Hills, California-ah neih a ni dawn a, auction house website aṭang pawhin a chhan thei dawn a ni. Kum 2011-a kum 79 mi nia thi, British-American Taylor hi kum 12 mi lek a ni laiin 'National Velvet' a a chan vangin hriat a hlawh a, Oscar panga-ah nominate a ni. 1960 film, 'Butterfield 8' leh 1966's 'Who's Afraid of Virginia Wolf' aṭangin best actress Oscar a lo dawng tawh a ni.