WhatsApp, IG leh FB service siamṭha leh tawh

Nilaini zanah khan Whats­App, Instagram leh Facebook chuan server down vangin harsatna an tawk a, khawvel puma heng social media platform khawihtute hian harsatna an tawk.

Facebook-ah chuan thil a post theih loh a, newsfeed pawh a hmuh mumal theih loh. WhatsApp lamah chuan milem a download theih loh a, chat pangai erawh a nghawng lo. Instagram lamah pawh thil post a theih loh a, story-te pawh a bo a ni.

IG leh WhatsApp hi Face­book hnuaia awm a ni a, nimin khan Facebook chuan an service zawng zawng chu an siamṭhat tawh thu leh 100% in a ṭha leh tawh tih an sawi. US media-te chuan server down chhan hi 'routine main­tenance operation'-in tihpalh thil thua 'bug' a hmehchhuah palh vang tih an tarlang a, hei hian thlalak leh video upload leh download kawngah harsatna a siam a ni, an ti.